Enjoy cooking
Browse through over
650,000 tasty recipes.

مكرونة بصوص الجبنة

Written By Mony on Thursday, May 28, 2015 | 5:26 AM

كالعادة راجعة بعد غيبة طويلة

بس معايا مكرونة بصوص الجبنة
و جنبها اي حاجة تحبوها

هقولكم انا عملت ايه معاها و على شوية اقتراحات تانية معاها لو تحبوا

كنت في كارفور و شفت جنب برطمانات المايونيز حاجة كده شبه المايونيز بس مكتوب عليها انها صوص جبنة فورماج
كنت جعانة طبعا و قعدت اتخيل بأه الطعم و الشكل النهائي 
مكدبتش خبر
 قلت طب مانجرب
جبت معاها مشروم و مكرونة شرايط

و رجعت البيت قلت اعملها ازاااي اعملها ازاااي

بشرت بصلاية صغننة و عليها ملح و فلفل و شوحتها شوية لحد ما دبلت و بعدين حطيت عليها شرائح مشروم و قلبت شوية حلوين كده لحد ما المشروم بدأ ياخد لون بسيييط و بعدين حطيت من صوص الجبنة 3 ملاعق كبار مليانين و قلبت مع المشروم و زودت تقريبا نصف كوب لبن علشان يطلع لي قوام الصوص
قلبتها مع اللبن لحد ما بدأ يغلي و قوام الصوص بدأ يبان
و بشرت عليها رشتين من جوزة الطيب

يمي كان طعمها تحححفة

لازم ندوق علشان لو محتاج ملح و فلفل تاني و لا حاجة
لحد ما نظبط الطعم 

لو القوام بتاعها تخن شوية حطي عليها شوية لبن تاني و قلبي و استني لحد ما يغلي علشان تشوفي القوام كده مظبوط و لا لاء

و رحت جايبة المكرونة بعد ما سلقتها و حطيتها على الصوص

و كنت عاملة جمبها فراخ بتتبيلة البانية
(بلصة مبشورة – طماطم مبشورة – ملح و فلفل – شوية كاري – خل – ليمون)
و بعدين شوحتها على النار كده مع شوية زيت ذرة لحد ما بدأت تاخد لون و تستوي

و قطعتها شرائح بالعرض و حطيتها على الصوص قبل ما اضيف المكرونة
و عيشت في ملكوت تاني مليان سعادة
:)
ممكن نحط الفراخ على الوش بعد مانغرف المكرونة و الصوص مع بعض
زي سبكترا مثلا

ممكن تعملي جنبها ايييي حاجة
لو لحمة باردة بصوص المشروم او الفلفل الاسود مثلا
أو حتى زي ماعملت في الفراخ كده
 تتقطع و تتقلب مع الصوص و المكرونة

ممكن فراخ مشوية
ممكن اي حاجة احنا شايفين انها مناسبة

*ملحوظة*
ان حنا ممكن نعمل صوص الجبنة ده من الاف للياء في البيت 
جبن بارميزان+جبن شيدر+بلو تشيز+جبن كيري
 الصلب يتبشر و الكميات بتكون متساوية
و نحطهم على نار هادية معاهم شوية لبن و تقلبي براااحة لحد ما كله يسيح مع كله

ممكن طبعا نغير في انواع الجبن 

بس اهم حاجة بلاش الرومي
ارجوكم

بتقلب طعمها تماما و تخلي الاكلة مش مظبوطة

بس كده
و بألف هنا
و شفا 
:)

طبعا الصورة اللي فوق ديه مش بتاعتي 
:(
مالحقتش اصور
بس وعد
هحطها اول ما اعملها تاني
;)
SHARE

About Mony

3 comments :

lo2lo2a said...

تسلم ايديكي ويارب دايما تجربي وتفيدينا وياريت ماتطولش الغيبة يا مبدعة :)

Mony said...

وش مندهش و منبهر و احمر من الطماطم من كتر الكسوف
الله يسلمك يا جميل و يباركلك على كلامك الجميل ده
مبدعة مرة واحدة
ربنا يعزك يا شيخة و الله

Mony said...
This comment has been removed by the author.